X
تبلیغات
مداحی و شعر مذهبی

مداحی و شعر مذهبی

اشعار جان سوز در مدح ومنقبت امام حسین

یا حسین

یا حسیـن باشیمـدا گنـه کـربلا- هـواسی وار
شیعه ناز ایدر سن کیمی بیر گوزل- آقاسی وار
عـرشیده فـرشته رَدّ مقدمـون ئوپر
فرشیده بشر بوقانلی پرچمون ئوپر
یابن الزهرا- حسین حسین- یابن الزهرا (2)
****
سن شریعتی – زنده ساخلادون
دین و عترتی- زنده ساخلادون
بویــوردی پیغمبــر نــورعین
«
حسینُ مِنّــی اَنَا مِــن حسین»
یا حسین مولا حسین مولا (2)
****

یا حسین او یتمیش ایکی یاریوه- سلام اولا
نهرین اوسته قولسوز علمداریوه- سلام اولا
یِر یوزونـده سـرسپاهیــون نظیـری یوخ
هیچ شهون سنون کیمی گوزل وزیری یوخ
یابن الزهرا- حسین حسین- یابن الزهرا (2)
****
دللّــره آدون- آشنا اولوب
ذکریمیز فقط- کربلا اولوب
یانــوب احبّـا دیـر یا حسین
داریخسـا زهرا دیـر یا حسین
یا حسین مولا حسین مولا (2

+ نوشته شده در  یکشنبه 10 مهر1390ساعت 0:31  توسط امیر حسین  | 

ماه خون

مــاه محرّمــده گلـر زهـرا نـوایه
دلده حسین وای یوز قویار کرب و بلایه
مــاه محــرّم گلدی عزیزان
باشلاندی یاس شـاه شهیدان
****
بـو آیـدا زهرا گلشنی دوندی خزانه
فردوسیـان قـاره چکـوب باغ جنانه
جـنّت عزاخـانه اولـوب رضوانیـانه
هـم مصطفایـه تسلیـت هـم مـرتضایه
****
فرمـان گلـر خلاّقــدن روح الامینـه
کرّوبیان همراه اولون بو شور و شینـه
جنّ و ملک ماتم دوتون مظلوم حسینه
دولسون حسین وای ناله‌سی‌عرش خدایه
بـو آی اولـوب لیــلا جوانـی اِربـاً اِربا
اکبر، حسین روح و روانـی، شبـه طاهـا
سـردی عبانــی مقتلــه دلبنــد زهـرا
یعنی اوغول نعشین حسین یغدی عبایه
****
آت دیرناقـی قاسـم قانیـن تپراقه یاخدی
باسـدی حسیـن آغوشینـه عبّاسـه باخدی
سویلوب کمک ایله منه، گوز یاشی آخدی
گَل قاسمـی حمل ایلیاق خیمه سرایه
****
بـو آی پیمبـر عترتـی یاندی سوسوزدان
اصغر بوغازندان دگـوب اوچ شعبه پیکان
نهر فرآت آخدی چوله اصغر ایچوب قان
بـو آی ربابــی گتدیلر نی تک نوایه
****
اصغر بو آی سو فکرینی باشدان آتوبدی
عبّـاس نــام‌آور بـو آی قانــه باتوبدی
قولسـوز کنـار نهـر علقمــده یاتوبدی
امّ البنین آغـلار بو آی مشگ و لوای

استقبال محبوب از حبیب در وعده‌گاه عشق
خوش گلوبسن کربلایه کربلایه یا حسین
سرزمیـن پربلایــه پربلایــه یـا حسین
یا حسین و یا حسین و یا حسین
****
ای وئـرن امضا بلایه وعـدگاهوندی بوچول
قانلی سجّاده آچانـدا سجدگاهوندی بوچول
ای‌منیم عطشان شهیدیم قتلگاهوندی بوچول
جلـوه آرتیـر نینوایـه، نینوایـه یا حسین
****
شوریلن بوکربلانی جاودان قیل دلبریم
دستمـاز آل بیر نماز آرمان قیل دلبریم
گُل لرونله بوکویری گلستان قیل دلبریم
وئر صفا لطفونله بو دشت بلایه یا حسین
یتمیش‌ایکّی جان‌نثاری دوزصفه مردانه تک
کارواندان سئچ گوزل عشّاقووی دردانه تک
ئوزگه‌لر چیخسون کناره دسته‌دن بیگانه تک
وئر شهادت مژده سین اهل وفایه یا حسین
****
محملون ساخلا مهیّا قیل بو چولـده محفلون
حاضر اول سودای عشقه الده‌وار هرحاصلون
دسته گل باغلا نگاره ‌وار اگـر غنچـون، گلون
سات اونـی بازاریـده عالی بهایه یا حسین
****
طالبم ای پاک فطرت پاک اولان احساسیوه
یاخشی قیمت وئررّم آخرسوسن‌وهم یاسیوه
رتبـۀ بـاب الرّجـا بـذل ایلـرم عبّاسـیوه
عشقیلن حافظ اگـر اولسـا لوایه یا حسین
****
صودامر گلسه فغانه تزرباب ای وای دئسین
آلسون آغوشـه رقیّه اصغره لای لای دئسین
شاهدان عشقیده یوخـدورسنه‌بیرتای دئسین
اصغریلن چون یتر عشقون بقایه یا حسین

+ نوشته شده در  یکشنبه 10 مهر1390ساعت 0:28  توسط امیر حسین  | 

محرم ایی

مـن آتـش عشقــه پروانيـم نيلـوم
عشقونده يـا مــولا ديوانيـم نيلـوم
بيماريـوم درده دوانـي گـورمسم ئولم
چاره يوخومدي كربلاني گورمسم ئولم
حسين ثارالله،‌ثارالله اباعبدالله
****
جـان اي امـام عشق عرفانيوه قربـان
گلدستــوه قربـان ايوانيــوه قربـان
جانيم فـدا درگاهيـوه اي زاده‌ي زهـرا
شش‌گوشه قبرون من بهشته ويرمرم مولا
حسين ثارالله،‌ثارالله اباعبدالله
****
اوپسم ضريحوندن ديلده غميـم قالماز
هجرانــوين دردي آراميمــي آلمـاز
اوج شعفـده گَـرد آلامـه بـورونّم مـن
دوشسه يولوم گر قتلگاهينده سورونّم من
حسين ثارالله،‌ثارالله اباعبدالله
****
بـاز اين دل تنگم مست و هـوايي شـد
بر سينه كوبيد و كرب و بلايـي شـد
مـا خانـه‌زاد روضه‌هـاي پـور زهرائيم
چون مهدي صاحب‌زمان مجنون ليلائيم
حسين ثارالله،‌ثارالله اباعبدالله
****
عمري نمك خوردم تو محفلت ارباب
لـعنت فرستــادم بــر قاتلـت ارباب

الحمـدالله از ازل وقـف شمــا هستـم
يك دل نه صد دل عاشق كرب و بلا هستم
حسين ثارالله،‌ثارالله اباعبدالله
****
بنگــر بـر ايـن قلبـم از غصـه بشكسته
من كربـلا مي‌خوام وا كُـن در بستـه
امضا كـن آقا كه دگر صبر دوباره نيست
اين كار خيره حاجت هيچ استخاره نيست
حسين ثارالله،‌ثارالله اباعبدالله
****
تا از تو مي‌خونم دل مي‌شه پراحساس
پــر مي‌زنــه قلبـم تــا گنبد عبّاس
من عمرم و، زير لـواي سبـز سقّـايم
من اعتقادم ايـنِ كـه مهمـون زهرايم
حسين ثارالله،‌ثارالله اباعبدالله

 

+ نوشته شده در  یکشنبه 10 مهر1390ساعت 0:14  توسط امیر حسین  | 

قتلگاه نو حه سی

 

حسین قانلی گوزون آچ قتلگاهه گلدی زینب
منه سس ویر یارالی غیرتیندن ئولدی زینب
دور ای شاه مدینه – یم عشقه سفینه
خیمـده فرقتونـدن – نــوا ایلـور سکینه
دور ای مونسیم-دانیش یوسفیم-سوزوندن دویمارام من
گلور شمر دون-ایده غرق خون-جمالون قویمارام من
یا بن الزهرا
****
دوشوبسن سجدۀ عشقه برادر قان ایچینده
درخشاندور جمالون همچو گوهر قان ایچینده
ایا ای روح قرآن- دِیَنده ذکر سبحان
عزیزیم چشمه چشمه- یـارالارون ویرور قان
یاران باغلارام- ئورک داغلارام- یارالی قارداشیم وای
گوزون باغلارام-سنه آغلارام-یارالی قارداشیم وای
حسین گلدیم مسیحه دم ویرندن دم آلام من
شـرار عشقیوه پروانه تک شهپر چالام من
ایا ای عشقه هسته- الون قوی سینم اوسته
منه سن شرح صدرو- دوزوم اللّهدان ایسته
منی غم یخار- بودم جان چیخار- دعاگر ایتمسون سن
منـی قیـل رضـا- دعا ایت اَخا- فراقونده دوزوم من
****
گلنده ذوالجناحون دیده گریان خیمه‌گاهه
دوشوندوم یوسف عشقیم دوشوبدور قانلی چاهه
خیمده قوپدی طوفان- ادبدن ئولدی حیوان
بابـام هــاردا دیلینـده- سکینـون آغلادی قان
آخور گوزیاشیم- سوسوز قارداشیم- فراقونده عزیزیم
سفر یولداشیم-آغاردی باشیم-دور ای شاه حجیزیم

زينبـون گلـدي پريشـان حسين جان گوزون آچ
قالموشام گورنجه گريان حسين جان گوزون آچ
****
سن‌سيز اي سرو روان گلشن جانيم صولاجاق
بيلورم غصـه و غمـدن دل زاريـم دولاجاق
قويماسون سینمـه اَل زينبـون الان ئولـه‌جاق
ئولمه‌میش زینب نالان حسین جان گوزون آچ
****
میـن امیدیلـه خیمـدن بـورا گلدیـم یارالی
قانا باتمیش گـوزون آچ حضرت زهرا مارالی
شمـر دون ایلیـه جاقـدی منی سندن آرالی
گلمیوب تاکه او نادان حسین جان گوزون آچ
****
سجدة عشقیـده ســن زینبیـده ایلــه دعا
تـا عنـایت ایلیـه صبــر منــه ذات خــدا
تـا توانیم اولا کـه سندن اولام منـده جدا
چخمامیش‌تندن حسین‌جان،حسین‌جان‌گوزون آچ
****
گرچه قان ایچره حسین ایندی مقام ایلموسن
سـن خلیلـه شَــرَری، بَـرد و سـلام ایلموسن
انبیــا فــوجینه سـن لطف مُـدام ایلموسن
ایندیده ایت منه احسان حسین جان گوزون آچ
****
پنج تـن داغینـه من گرچه ئورک داغلامیشام
آلتی قارداش قره‌سین بـاشه حسین باغلامیشــام
ولی‌من روز ازلـدن سنـه چـوخ آغلامیشام
چشمه‌ي چشمیم اولوب‌قان حسین‌جان گوزون آچ

بلا چولونده سوسوز یارالی اُلن حسینیم وای
یارالی باشی جدا باشندا گزن حسینیم وای
عزیز زینب عزیز زینب عزیز زینب حسین
****
باجون جهانه مرامون اعلان ایدر آتام اوغلی
باشـون دالیجـا کجاوه‌لرده گیدر آتام اوغلی
رقیّه اشگین صولان عـذاره اَلَـر آتام اوغلی
بلا چولونده سوسوز کفنسیز اُلن حسینیم وای
****
شهادتونلـه ثبـات دینـه چالشـدون آی قارداش
جوانلارون جان ویرنده دلدن آلشدون آی قارداش
حقیقت اُسته هارا یتشدون چالشـدون آی قارداش
بلا چولونده سوسوز کفنسیز اُلن حسینیم وای
نه رنج و دردیله جان ویروبسن یارالی قارداشیم
بـو کوفیانه مگـر نیدوبسـن؟ بلالـی قـارداشیم
ندور گناهون سوسوز اُلوبسن وفالی قـارداشیم
بلا چولونده سوسوز کفنسیز اُلن حسینیم وای
****
بو انقلابون ایدوبدی محکـم اسـاس قرآنـی
بو نهضتونله تانونـدی قـرآن آیتدی انسانـی
دوباره دنیا گوره گمان یوخ بو قانلی طوفانی
بلا چولونده سوسوز کفنسیز اُلن حسینیم وای
****
فـدا اولیـدوم بـو پیکرونـدن آخـان قـزل قانه
توکولدی قـزلار دوه‌لـر اُستن بـو قانلـی میدانه
کسوک باشون شمع عشق اولوبدی سکینه پروانه
بلا چولونده سوسوز کفنسیز اُلن حسینیم وای
****

+ نوشته شده در  یکشنبه 10 مهر1390ساعت 0:13  توسط امیر حسین  | 

لای لای علی لای لای علی

گَـل زینب آپـار اصغریـم القـانه بویاندی
قماطی دولی قاندی

گوزلور آناسـی خیمه‌سـراده نگرانــدی

بالام قـانه بویاندی

علی اصغریم ئولدی گل اَحمریم ئولدی

****
اوچ‌شعبه اوخی حرمله چون قویدی‌کمانه

ایدوب فوری نشانه

چکدی زهی آتدی هدفـه اولـدی روانه

یـری یوخدی بیانه

پیکان پر آچوب باخدیم اونا من یانا یانه

قاتوب اشکیمی قانه

اوخ سرعته میندی باجی قلبیم باشی یاندی

بالام قانه بویاندی

****
اوخ گلدی هواده دایانـوب سسلدی اصغر

اویان ای گلِ پرپر

آچ گوزلریـوی خوابیـدن ای غنچۀ اَحمر

گوزل آهـویا بَنزر

اوخ‌دگدی باجی پارچالانوب خرداجا‌حنجر

آچیلدی آلا گوزلر

دیسگیندی علی خوابیدن اول وقته اویاندی

بالام قانه بویاندی

****
گل غنچه‌سی تک‌سولدی بالام‌گل بوداقیندا

قالوب قان دوداقیندا

ایثـار ایلـدی دینینـه جـان خـردا چاقیندا

سولوب گل سایاقیندا

کیمدور بالاسی جان ویره من تک قوجاقیندا

گـزه سـو سراقیندا

نالم باجـی جـان گور نجه افلاکه دایاندی

بالام قانـه بویاندی

گَل آل الیم اوستن باجی بـو تشنه فدانی

الیمدن یـوخ آلانی

میدانیـده ویــلان گـزورم ظهـر زمانی

الیمدن یـوخ آلانی

گورسه آناسی یاندیراجاق کون و مکانی

الیمدن یـوخ آلانی

اخیامیـده بیلّم کـه یقین شور و فغاندی

بالام قانه بویاندی

الیمین اوستونده بالام قانه باتدی
گَل آل مندن زینب سوسوز طرلانی
بویانوبدور قانه گویرچینلر مثلی
ربابون ششماهه گوزل جیرانی
****
آناسینـدان آلدیــم آپاردیــم میدانـه
دیدیـم آی انسانـلار بـالام عطشاندی
گُلـه بنذر اوغلوم سارالوبـدی رنگـی
سوسوزدی اوچ گوندی عطشدن یاندی
سوزومی آغزیمدا سه پر پیکان قویدی
بوغازینـدن دگـدی آیــوردی بـاشین
ایلـه بیلدیـم زینب ابوالفضلین بیـرده
منیـم ئـوز یانیمـده گـوزی اوخلاندی
****
قوجاقیمـدا باشیـن اَوَل دوتـدوم آرام
صـورا محکـم اوخدان یاپیشدیم زینب
بوغازینـدان چکدیـم سه شعبه پیکانی
یاراسینـدان ئوپـدوم آلیشدیــم زینب
گوزین آچدی‌گولدی دیدی‌غمگین اولما
سنـه قربـان بابـا یــارالی اوغلــون
ایلـه بیـل کوسمیشدی ربابیـن جیرانی
دوداقینـدان ئوپدیـم باریشدیـم زینب
****
بـو غمـی داشلاردا یازاردیم صحراده
اَلیمــده میدانــدا قلــم اولسیــدی
الیمـون اوستونـدن آلاردی زینب جان
بـو اوخلــی قربانــی ننـم اولسیدی
گــزورم آواره ئولوبـدی قارداشیــم
گولـور دشمن نیلـوم علاجیم یوخدی
بـو چتین ساعتـده منـی تـک قویمـازدی
اگـر الان صـاحب عَلَـم اولسیــدی
****
ایله کی‌گوز یومدی‌دیدیم لای‌لای اوغلوم
باجـون گوزلور الان یوبانسون آغلار
یـارووی آهستـه آچـار باشـدان معجـر
دیـر لای‌لای اصغــر رقیّـم باغـلار
ئورگیمــدن امـا دگوبــدی بیــر یـاره
تاپولمـاز درمـانی یـارام باغلانمـاز
بـو یارالـی قلبیـن باجیــم محمللـرده
دیر یاندیم قارداش عزاسین ساخلار
****

باجی زینب چشمه باشیندا اوخلادی اعدا طفل لب عطشانی
الیم اوسته ویردی سوسوز جان غملی ربابین یارالی جیراني
دَیدی پیکان اصغره لایلای گلِ یاس پرپره لایلای
بالام اوخلاندی آی باجی
جگریم یاندی آی باجی
****
الیم اوسته اصغری لشگر قوم ستمگر گوردی پریشاندی
دیدیلر بو تشنه غزالی راحت ایدن بیر زهرلی پیکاندی
اَله آلدی حرمله پیکان دل زهرا اولدی پریشان
****
پر آچوب اوچ شعبه‌لی پیکان ایلدی شانشان قلب پریشانی
بوغازی اوچ سمته بیچیلدی تشنه غزالین آخدی قزیل قانی
گُل نازین حلقی اوزولدی بوغازیندان قانی سوزولدی
****

حلقینی بیچـن پیکان لای‌لای اصغریم لای‌لای
اوخشارام سنی هرآن لای‌لای اصغریم لای‌لای
لای‌لای اصغریم لای‌لای
****
دویمادیم علی سنـدن آیریلیق فلک سالدی
آغـلارام یانـا یانـه بوش بشیک منه قالدی
اوخ یاران اوغول مندن طاقت و توان آلدی
یـاروه جانیـم قربـان لای‌لای اصغریم لای‌لای
****
اولمـادی سنه چاره غنچه گل کیمین سولدون
قرمیـزی قانـا باتـدون سن فدای دین اولدون
سن عطشدن آغلادون گه بولوط‌کیمین دولدون
قالموشام اوغول گریان لای‌لای اصغریم لای‌لای
****
حرملـه گـوروم یانسـون قلبیم اودلارا یاندی
هم قوناقیدون عطشـان کیـم دیـر او انساندی
اوخ بوغازیوی بیچدی وای نه غملی دوراندی
قانیـوه ایدوب غلطان لای‌لای اصغریم لای‌لای
****
سـن اوخـا نشـان اولدون باشیمه قراسالدیم
گیتدی خوش گونوم الدن قاره گونلره قالدیم
منده قانلی قونداقدان گل تک عطریوی آلدیم
اولمادی سوایچدون قان لای‌لای اصغریم لای‌لای
****
سـن آتـان قوجاقینـده تندن آیرلوب جانون
گویلـره صفـا ویـردی حلقیدن آخـان قانون
باشیمی اوجاتدون سن زنـده قالـدی قرآنون
حلقینـی بیچن پیکان لای‌لای اصغریم لای‌لای

گل دیله بیر دانش اوغول مــادر دل کبابیـلن
دوزدی سنه‌سو ویرمدیم کوسمـه بـالا ربابیدن
لای‌لای علی لای‌لای علی(2)

+ نوشته شده در  یکشنبه 10 مهر1390ساعت 0:11  توسط امیر حسین  | 

یا علی اصغر

 

آغلامـا چوخ نازنینیم خرداجا شهبازیم اصغر
شیرخوار نازیم اصغر
ای سپاه عشقیم ایچره باوفـا جانبازیم اصغر
آخرین سربازیم اصغر
لای‌لای ای عطشان قالان دلسیز بالام یات
حالینـه عالـم یانـان دلسیـز بـالام یـات
لای‌لای اصغر (4)
****
خیمه‌لـرده اصغر آغلـور گه آلور آغوشه قیزلار
گه چالور لای لای رقیه
سسلنور آی نازلی قارداش منده عطشانم آز آغلا
گه دیور ایوای رقیّه
الله الله اصغـر ئـولسه نیلیر بـی‌کس آناسی
اوندا نیلر وای رقیّه
سو تاپولمور خیمه‌لرده آغلاما ای نازیم اصغر
لای‌لای ای سربازیم اصغر
لای‌لای ای عطشــان ...
****
شیرخواریـن لبلریندن بوسه ورجاق شاه عطشان
آغلادی اول دل شکسته
تز قوجاقه آلدی اوغلون آلتـی آیلیق شیرخوارین گتدی میدانه اَل اوسته
سسلـدی ای قـوم فتنه آغلیور اوغلوم سوسوزدان آغلاماقدان اولدی خسته
رحم ایدون ای لشگر بی‌رحم وکافر آزقالور سوز
عطشدن ئولسون اصغر
لای‌لای ای عطشان ....

ای جماعت یاندی اوغلوم خشک اولوب‌بو خردا لبلر
سیزلره نیلوبدی اصغر
سیز منیله جنگ ایدورسوز بـو بـالام دلسیزدی لشگر
سیزلره نیلوبدی اصغر
غنچـه مثلی تشنه لیکدن آز قالـور اولسون بو پرپر
سیزلره نیلوبدی اصغر
رحم ایـدون ای لشگـر بی‌رحم وکافرآزقالورسوز
عطشدن ئولسون اصغر
لای‌لای ای عطشان ...
****

اي سويگلوم ناز بالام بسدور آغلا آز بالام
كسميش سـو يولـون دشمن‌لـر
سنـدن خجـل اولموش مادر
باشـدان هَلـه سـو فكرين آت
بـو بيـر گجه‌ني راحت يات
صبحه كيمي تـاب ايلـه اصغر
صبح اولسا چون اي جان مادر
سقّـا عمـون سـو حـاضر ايلر
لاي لاي بالام، لاي لاي بالام، اي (3)
****
شيـرين لبيـم بـال بــالام قالموب سنده حال بالام
يوردون ئوزيوي گل يوخلا آز سينه‌مي سن دِرناخلا
اود دوتدي آنون اودلاندي درناقلارين اوغلوم قاندي
غمدن اوغول دل داغلارام من
قاره بولوت تك آغلارام من
چـون اللريـوي باغلارام من
لاي لاي بالام، لاي لاي بالام، اي (

آغلاما اي طفل عطشان اوغلوم
يات بير آز سينه‌مده الان اوغلوم
آغلاما اي‌دلخسته‌كبوتر تـازه ‌نهـالِ بـاغ پيمبـر
لاي‌لاي اوغلوم
باتـدي سسون از بـس سـن ايلـدون شيـون
يوخدي سينه‌مده صود مـن خجلـم سنــدن
آتش خجلت وغمده كبابم منده‌سنون‌كيمي تشنه‌ی‌‌آبم
لاي‌لاي علي لاي‌لاي
سينه‌مــي گـل داغلاما يــات بشيكـده آغلامـا
****
سن اوغلوم باغ عشقه ريحانسان
بير بو گجه خيمه‌مده مهمانسان
صبح اگر اولسا سينه‌ی شهدن پـر وُراجاقسـان بـاغ بهشته
يوز گوز قانلي
مـن الـي قــوينوندا هــي گلــرم داده
سن ياتاجاقسان خوش سينــه زهـــراده
قوي ئوپوم ايندي بو چهره نازون
چون سحر اوخ ئوپه جاقدي بوغازون
لاي‌لاي علي لاي‌لاي
سينه‌مي گل داغلاما يات بشكيده آغلاما
****

+ نوشته شده در  یکشنبه 10 مهر1390ساعت 0:7  توسط امیر حسین  |